Zëdhënësja e Shtëpisë së Bardhë, Karoline Leavitt, thotë se Presidenti Donald Trump ende po shqyrton përdorimin e sulmeve ajrore për të adresuar situatën në Iran.

“Një gjë që Presidenti Trump e bën shumë mirë është të mbajë gjithmonë të gjitha opsionet e tij mbi tryezë. Dhe sulmet ajrore do të jenë një nga shumë, shumë opsionet që janë mbi tryezë”, tha  ajo për gazetarë, raporton BBC.

“Diplomacia është gjithmonë opsioni i parë për presidentin,” thekson Leavitt, duke shtuar megjithatë se Trump është “i pandërgjegjshëm për të përdorur forcën vdekjeprurëse dhe fuqinë” e ushtrisë amerikane “nëse dhe kur ai e konsideron të nevojshme”, tha ajo.

Ajo shton se “askush nuk e di këtë më mirë se Irani”, duke iu referuar sulmeve të verës së kaluar mbi tre objekte bërthamore iraniane, të cilat Trump tha se shkaktuan “dëme monumentale.”

Pas mesazhit të fitoreve që udhëheqësi suprem i Iranit dha më herët sot, Leavitt u tha gazetarëve:
“Çfarë po dëgjoni publikisht nga regjimi iranian është mjaft e ndryshme nga mesazhet që administrata po merr privatisht.”

Leavitt thotë se një zyrtar iranian ka kontaktuar me dërguarin Steve Witkoff, gjë që sipas saj shpreh “një ton krejtësisht të ndryshëm nga ai që po shihni publikisht.”